29% þjóðarinnar tekur lýsi daglega

Í könnun sem Prósent framkvæmdi dagana 16. til 30. apríl 2025 spurðum við þjóðina eftirfarandi spurningar:

• Tekur þú lýsi?
  Hér er átt við ýmist í fljótandi formi eða perluformi.

29% svarenda tekur lýsi daglega, 26% sjaldnar en daglega og 45% tekur aldrei lýsi.

Mynd 1. Tekur þú lýsi? Niðurstöður þeirra sem tóku afstöðu.

65 ára og eldri eru marktækt líklegri en allir aðrir aldurshópar til að taka lýsi daglega.
44% þeirra sem eru 65 ára og eldri taka lýsi daglega en 21% þeirra sem eru 18-24 ára.

Mynd 2. Tekur þú lýsi? Niðurstöður eftir aldri.


Konur eru marktækt líklegri en karlar til að taka aldrei lýsi, 49% kvenna tekur aldrei lýsi og 41% karla.

Mynd 3. Tekur þú lýsi? Niðurstöður eftir kyni.

Þau sem eru með grunnskólapróf taka síður lýsi en þau sem eru með framhaldsnám í háskóla. 53% þeirra sem eru með grunnskólapróf taka aldrei lýsi og 38% þeirra sem hafa lokið framhaldsnámi í háskóla. 

Mynd 4. Tekur þú lýsi? Niðurstöður eftir menntun.

Framkvæmd

Gögnum var safnað frá 16. til 30. apríl 2025.
Aðferð: Netkönnun meðal könnunarhóps Prósents.
Úrtak: 2.200 (einstaklingar 18 ára og eldri)
Svarhlutfall: 51%

Um könnunarhóp Prósents
Í dag eru um 15.000 einstaklingar 18 ára og eldri af öllu landinu skráð í könnunarhóp Prósents. Sendar eru út kannanir á handahófskennt úrtak úr könnunarhópnum á netföng þátttakenda. Niðurstöður eru vigtaðar út frá kyni, aldri og búsetu svo hægt sé að alhæfa um þær með 95% vissu.