Könnunarhópur - Prósent

Hvað felur það í sér að vera hluti af könnunarhópi?

Við sendum u.þ.b. tvær kannanir á mánuði í tölvupósti eða í SMS-s sem tekur um 4 til 10 mínútur að svara. Allir sem taka þátt geta unnið happdrættisvinning sem er dreginn út eftir hverja könnun. Með þátttöku geta Íslendingar komið skoðunum sínum á framfæri varðandi ýmis málefni líðandi stundar, þjónustu fyrirtækja og fleira.

Þátttakendur í könnunarhópi okkar geta einnig fengið boð um að taka þátt í rýnihópum.

Hver er í könnunarhópnum?
Könnunarhópurinn samanstendur af 15.000 manns sem hefur verið handahófskennt hringt í úr þjóðskrá eða handahófskennt haft samband við í gegnum samfélagsmiðla. Tryggt er að niðurstöður rannsókna endurspegli þjóðina út frá kyni, aldri og búsetu og eru niðurstöður vigtaðar þannig að hægt er að alhæfa um þær með 95% vissu.

Hvernig haldið þið trúnaði?
Prósent starfar eftir ströngum siðareglum ESOMAR sem settar eru af alþjóðasamtökum markaðsrannsóknarfyrirtækja. Prósent lætur aldrei af hendi persónugreinanlegar upplýsingar þátttakenda. Allar niðurstöður kannana eru settar fram með þeim hætti að tiltekin svör verða aldrei rakin til einstakra svarenda. Komi persónugreinanlegar upplýsingar fram við gagnaöflun eru þær jafnframt skildar frá gögnum að könnun lokinni.

Hvernig get ég hætt?
Í öllum tölvupóstum sem þú færð frá okkur koma fram upplýsingar um hvernig þú getur haft samband við okkur til að afskrá þig eða koma öðrum upplýsingum á framfæri. Afskráning fer fram samstundis.

Hvaða vinningar eða greiðslur eru í boði?
Ekki er greitt sérstaklega fyrir þátttöku í spurningakönnun en eftir hverja könnun er einn þátttakandi dreginn út og hlýtur viðkomandi 50.000 króna gjafakort. Þau sem taka þátt í rýnihópum fá í langflestum tilvikum greitt fyrir þátttöku í formi gjafakorts.

Hvernig veit ég hvort ég hef fengið vinning fyrir þátttöku í könnun?
Allir vinningshafar fá sendan tölvupóst með tilkynningu um að þeir hafi unnið. Í fréttum okkar hér fyrir neðan má lesa til um síðustu vinningshafa. Við birtum ekki nöfn vinningshafa nema með samþykki þeirra því öllum þátttakendum er heitið nafnleynd.

Hve oft fæ ég sendar kannanir og hve löng er hver könnun?
Fjöldi kannana er breytilegur en búast má við allt að tveimur könnunum í mánuði. Lengd kannana er einnig breytileg en flestar kannanir eru á bilinu 4-10 mínútur.

Um hvað fjalla kannanirnar og fyrir hvern eru þær unnar?
Prósent vinnur fyrir mjög ólíka aðila, bæði fyrirtæki og stofnanir. Efnistök geta því verið æði ólík, allt frá samfélagslegum þáttum til markaðsmála.

Hvað geri ég ef ég fæ nýtt tölvupóstfang? Hvernig get ég haft samband við ykkur?
Ef þú vilt breyta tölvupóstfanginu þínu eða fá svar við fyrirspurn þá sendir þú póst á rannsoknir@prosent.is. Athugaðu að ef þú ert að breyta póstfangi þá þarft þú jafnframt að taka fram eldra póstfang.

SMS hlekkur á könnun
Í einstaka tilvikum sendum við SMS á símanúmerið þitt með hlekk á könnun.