
22% kjósenda tóku afstöðu á kjördegi í kosningum til alþingis 30. nóvember 2024
Í könnun sem Prósent framkvæmdi dagana 17. til 31. desember 2024 spurðum við eftirfarandi spurninga:
- Hvenær tókst þú ákvörðun um að þú ætlaðir að kjósa flokkinn (flokkur kosinn) í alþingiskosningunum?
35% svarenda tóku ákvörðun um hvaða flokk þau myndu kjósa meira en mánuði fyrir kjördag. 20% ákváðu sig 1-4 vikum fyrir kjördag, 22% ákváðu sig 1-6 dögum fyrir kjördag og 22% ákváðu sig á kjördaginn sjálfan.

Mynd 1. Hvenær tókst þú ákvörðun um að þú ætlaðir að kjósa flokkinn (flokkur kosinn) í alþingiskosningunum? Niðurstöður þeirra sem tóku afstöðu
Marktækt hærra hlutfall þeirra sem eru 65 ára og eldri ákváðu sig meira en mánuði fyrir kjördag í samanburði við aðra aldurshópa.

Mynd 2 . Hvenær tókst þú ákvörðun um að þú ætlaðir að kjósa flokkinn (flokkur kosinn) í alþingiskosningunum? Niðurstöður eftir aldri.
Marktækt hærra hlutfall karla eða 42% ákváðu sig meira en mánuð fyrir kjördag og 29% kvenna.
26% kvenna ákváðu sig á kjördegi og 19% karla.

Mynd 3 . Hvenær tókst þú ákvörðun um að þú ætlaðir að kjósa flokkinn (flokkur kosinn) í alþingiskosningunum? Niðurstöður eftir kyni.
Framkvæmd
Gögnum var safnað frá 17. til 31. desember 2024.
Aðferð: Netkönnun meðal könnunarhóps Prósents.
Úrtak: 5000 (einstaklingar 18 ára og eldri).
Svarhlutfall: 50%.
Um könnunarhóp Prósents
Í dag eru um 15.000 einstaklingar 18 ára og eldri af öllu landinu skráð í könnunarhóp Prósents. Sendar eru út kannanir á handahófskennt úrtak úr könnunarhópnum á netföng þátttakenda. Niðurstöður eru vigtaðar út frá kyni, aldri og búsetu svo hægt sé að alhæfa um þær með 95% vissu.