Skiptar skoðanir um það hvort breyta eigi klukkunni 

Í könnun sem Prósent framkvæmdi dagana 18. nóvember til 2. desember 2025 var spurt að eftirfarandi:

Hversu hlynnt(ur) eða andvíg(ur/t) ert þú því að klukkan á Íslandi verði færð aftur um eina klukkustund?

Hvort finnst þér mikilvægara að fá meiri birtu á morgnana eða síðdegis yfir vetrartímann?

Hvenær ferð þú oftast á fætur á virkum dögum?

Hlynnt eða andvíg að færa klukkuna

Ef klukkan verður færð aftur um eina klukkustund þá þýðir það að það verður bjart fyrr um morguninn en myrkur síðdegis.

41% eru hlynnt því að að klukkan á Íslandi verði færð aftur um eina klukkustund, 33% eru andvíg því og 26% eru hvorki hlynnt né andvíg.

Mynd 1.  Hversu hlynnt(ur) eða andvíg(ur/t) ert þú því að klukkan á Íslandi verði færð aftur um eina klukkustund? Svör þeirra sem tóku afstöðu.

Ekki er marktækur munur á viðhorfi eftir kyni, búsetu, hjúskaparstöðu eða fjölda barna á heimili en töluverðan mun má sjá eftir aldri. 
Marktækt fleiri í aldurshópnum 18-24 ára eru andvíg því að færa klukkuna aftur um eina klukkustund. 
Flest á aldrinum 65 ára og eldri eru hlynnt þvi að færa klukkuna og er það marktækt fleiri en þau sem eru 34 ára eða yngri.

Mynd 2.  Hversu hlynnt(ur) eða andvíg(ur/t) ert þú því að klukkan á Íslandi verði færð aftur um eina klukkustund? Svör eftir aldri.

Birta á morgnan eða síðdegis yfir vetrartímann

44% Íslendinga finnst mikilvægara að fá meiri birtu á morgnana yfir vetrartímann, 39% finnst mikilvægara að fá birtu síðdegis yfir vetrartímann og 17% finnst hvorugt mikilvægt.   

Mynd 3.  Hvort finnst þér mikilvægara að fá meiri birtu á morgnana eða síðdegis yfir vetrartímann? Svör þeirra sem tóku afstöðu.

Hvenær ferðu á fætur

39% fara á fætur á milli klukkan sjö og átta, 30% milli klukkan sex og sjö, 16% milli klukkan átta og níu, 8% fyrir klukkan sex og 7% eftir klukkan níu.

Mynd 4 . Hvenær ferð þú oftast á fætur á virkum dögum? Svör þeirra sem tóku afstöðu.

Þau sem fara á fætur fyrir kl 6 á morgnana eru marktækt andvígari því að færa klukkuna aftur um eina klukkustund samanborið við þau sem fara á fætur eftir kl 6 á morgnana. 

Mynd 5.  Hversu hlynnt(ur) eða andvíg(ur/t) ert þú því að klukkan á Íslandi verði færð aftur um eina klukkustund? Svör eftir því hvenær þú ferð á fætur á virkum dögum.

Framkvæmd

Gögnum var safnað frá 18. nóvember til 2. desember 2025.
Aðferð: Netkönnun meðal könnunarhóps Prósents.
Úrtak: 2000 (einstaklingar 18 ára og eldri).
Svarhlutfall: 49%

Um könnunarhóp Prósents

Í dag eru um 15.000 einstaklingar 18 ára og eldri af öllu landinu skráð í könnunarhóp Prósents. Sendar eru út kannanir á handahófskennt úrtak úr könnunarhópnum á netföng þátttakenda. Niðurstöður eru vigtaðar út frá kyni, aldri og búsetu svo hægt sé að alhæfa um þær með 95% vissu.