78% þjóðarinnar er óánægð með nýjan forsætisráðherra
Í könnun sem Prósent framkvæmdi dagana 9. til 14. apríl 2024 voru þátttakendur spurðir tveggja spurninga um breytingar á ríkisstjórnarsamstarfi:
· Hversu vel eða illa líst þér á breytingarnar á ríkisstjórnarsamstarfi?
· Hversu ánæg(ð/ður/t) eða óánæg(ð/ður/t) ert þú með að Bjarni Benediktsson, núverandi utanríkisráðherra, verði forsætisráðherra?
Eftirfarandi texti var birtur með fyrri spurningunni:
Breytingar á ríkisstjórnarsamstarfi voru kynntar þriðjudaginn 9. apríl eftir að Katrín Jakobsdóttir sagði af sér sem forsætisráðherra. Helstu breytingar í ríkisstjórn felast í því að Bjarni Benediktsson tekur við stöðu forsætisráðherra og Sigurður Ingi Jóhannsson verður fjármálaráðherra. Auk þess mun Svandís Svavarsdóttir taka við innviðaráðuneytinu, Bjarkey Olsen Gunnarsdóttir kemur ný inn í ríkisstjórn í matvælaráðuneytið og Þórdís Kolbrún Reykfjörð Gylfadóttir fer aftur í utanríkisráðuneytið.
Hversu vel eða illa líst þér á breytingarnar á ríkisstjórnarsamstarfi?
14% þjóðarinnar líst vel á breytingarnar, 13% líst hvorki vel né illa á breytingarnar og 73% líst illa á breytingar á ríkisstjórnarsamstarfinu.
Mynd 1. Hversu vel eða illa líst þér á breytingarnar á ríkisstjórnarsamstarfi? Niðurstöður þeirra sem tóku afstöðu.Svör þeirra sem tóku afstöðu.
55 ára og eldri líst marktækt betur á breytingarnar en þeir sem yngri eru.
Mynd 2. Hversu vel eða illa líst þér á breytingarnar á ríkisstjórnarsamstarfi? Niðurstöður þeirra sem tóku afstöðu. Niðurstöður eftir aldri.
Hversu ánæg(ð/ður/t) eða óánæg(ð/ður/t) ert þú með að Bjarni Benediktsson, núverandi utanríkisráðherra, verði forsætisráðherra?
78% þjóðarinnar eru óánægð með að Bjarni Benediktsson verði forsætisráðherra, 8% eru hvorki né og 13% eru ánægð.
Mynd 3. Hversu ánæg(ð/ður/t) eða óánæg(ð/ður/t) ert þú með að Bjarni Benediktsson, núverandi utanríkisráðherra, verði forsætisráðherra? Svör þeirra sem tóku afstöðu.
Marktækur munur er á afstöðu kynja og eru konur frekar óánægðar heldur en karlar.
Mynd 4. Hversu ánæg(ð/ður/t) eða óánæg(ð/ður/t) ert þú með að Bjarni Benediktsson, núverandi utanríkisráðherra, verði forsætisráðherra? Svör eftir kyni.
Marktækur munur er á viðhorfi eftir aldri. Þau sem eru 55 ára og eldri eru marktækt ánægðari en þau sem yngri eru.
Mynd 5. Hversu ánæg(ð/ður/t) eða óánæg(ð/ður/t) ert þú með að Bjarni Benediktsson, núverandi utanríkisráðherra, verði forsætisráðherra? Svör eftir aldri.
Langmesta ánægju má finna hjá þeim sem myndu kjósa Sjálfstæðisflokkinn eða 79% aðspurðra. Marktækt minnsta ánægjan mælist hjá þeim sem myndu kjósa Pírata og Sósíalistaflokkinn.
Mynd 5. Hversu ánæg(ð/ður/t) eða óánæg(ð/ður/t) ert þú með að Bjarni Benediktsson, núverandi utanríkisráðherra, verði forsætisráðherra? Niðurstöður eftir því hvaða lista þátttakendur myndu kjósa ef gengið yrði til þingkosninga í dag.
Framkvæmd
Gögnum var safnað frá 9. til 14. apríl 2024
Aðferð: Netkönnun meðal könnunarhóps Prósents.
Úrtak: 2300 (einstaklingar 18 ára og eldri)
Svarhlutfall: 51%
Gögn eru vigtuð til að úrtak endurspegli álit þjóðarinnar. Tekið er tillit til kyns, aldurs og búsetu.