60% Íslendinga í aldurshópnum 18-24 ára vilja banna sölu flugelda til einkanota.
Í könnun sem Prósent framkvæmdi dagana 30. desember 2021 til 9. janúar 2022 voru Íslendingar spurðir þriggja spurninga um flugelda. Spurt var hvort þeir hafi keypt flugelda, hvort þeim finnst að það eigi að takmarka magn flugelda á einstakling eða banna þá alfarið til einkanota.
Kaupir þú flugelda?
Mynd 1 kaupir þú flugelda? Niðurstöður þeirra sem tóku afstöðu.
Um 36% svarenda sagðist kaupa flugelda og 64% svarenda kaupir ekki. Fólk búsett á landsbyggðinni er líklegra en fólk sem býr á höfuðborgarsvæðinu til að kaupa flugelda eins og eftirfarandi mynd sýnir. Auk þess kaupa karlar frekar flugelda en konur og þau sem eru í aldurshópnum 35-44 ára kaupa frekar flugelda en þau sem yngri eru og 55 ára og eldri.
Hversu sammála eða ósammála ertu því að takmarka eigi magn flugelda sem hver einstaklingur megi kaupa?
Meira en helmingur þjóðarinnar eða 52% er sammála því að takmarka eigi það magn flugelda sem hver einstaklingur má kaupa. Um 14% svarenda er hvorki sammála né ósammála og 34% er ósammála.
Íslendingar í aldurshópnum 18-24 ára er meira sammála því að takmarka eigi magn flugelda sem hver einstaklingur má kaupa en þau sem eldri eru. Auk þess eru konur meira sammála en karlar og íbúar höfuðborgarsvæðisins meira sammála en íbúar landsbyggðarinnar.
60% kvenna er sammála því að hafa takmarkanir á móti 44% karla.
Hversu sammála eða ósammála ertu því að banna eigi sölu flugelda til einkanota?
44% Íslendinga er sammála því að banna eigi sölu flugelda til einkanota, 15% þjóðarinnar segir hvorki né og 41% er ósammála. Konur voru meira sammála en karlar og þau sem eru 18-24 ára meira sammála en þau sem eldri eru
Konur voru meira sammála en karlar og 60% svarenda í aldurshópnum 18-24 ára vilja banna sölu flugelda til einkanota.
Framkvæmd rannsóknar
Gögnum var safnað frá 30. desember 2021 til 9. janúar 2022.
Aðferð: Netkönnun meðal könnunarhóps Prósents.
Úrtak: 2.300 (einstaklingar 18 ára og eldri)
Svarendur: 1.118
Svarhlutfall: 49%
Nánari upplýsingar má fá með því að senda okkur tölvupóst.